V.V.
DE
MEULE WIEKE
Prins Ger I
"Es de vasteloaveswindj geit wejje goan dees Meule Wieke drejje"
Hoera veer höbbe un feesje!
De dansende meadjes, Babsi en Deveney onger begleiding van trainster Nadja, van V.V. de Meule Wieke zeen op Zondaag 1 April Nederlands kampioen gewaore.
Babsi is op het Nederlands kampioensjap mit ziene solo dans 2e gewaore.
Op zaoterdaag 14 April höbbe zie resepsie van 19.30 oer toet 21.00 oer in Café Zaal Aad Remunj Herkenbosscherweg 10 te Remunj.
Geer zeet van herte welkom om os dames te komme fillisitere en nao de resepsie saame mit os en diverse artieste un feesje te boewe.
Beste miense, de vasteloavned is alweer achter de rögk. Waat waas 't ein sjoon sezoen. Oppe fotoo-pagina sjtoan nog get nuuj fotoos. Vöal kiekplezeer!
Op donderdaag 16 fibberwarie is Prins Ger I mit zien gevolg noa de Sligro gewaes om saame mit anger Prinse taarte te versiere, ein hepke te aete en get te drinke. Kiek biej de foto's veur ein impressie
Zondaag 12 fibberwarie om 15.11 oer woor ut zo weit. Prins Ger I zien resepsie ging van sjtart. Femilie, vrunj, bekinde, kollegaa-prinse mit höar gevolg, leeje en road van de Meule Wieke, sjponzors, muziekante en eederein dae os vereniging ein werm hert toedreug waare doa om ut prinselik trio te felisitere. Auch os Babsi waerde nog ein aantal kere in ut zunke gezat.
Ut daak ging d'r aaf wie Miesjke koom optraeje en ut bleef nog lang onröstig in Kefee Aad Remunj.
Miense, allemoal van herte bedank!!
Fotoos vindj geer sjnel oppe fotoopagina.
Op vöal plaatse hingk de ongersjtoande poster mit ut prinselik trio. Gaer wilt V.V. de Meule Wieke Peter en Annemie Weigoldt van Duploprint bedanke veur dees sjoon geste.
Op vriedaag 24 fibberwarie 2012 goan veer mit de kienjer diskosjaatse oppe iesbaan biej de Gitstappermeule in Vlorop.
De leeje van V.V. de Meule Wieke kriege nog eine meel mit de details.
Op vriedaag 10 fibberwarie 2012 organiseert de Aad Prins van V.V. de Meule Wieke eine sjoone oavend veur alle Aad Prinse van Remunj en verre omsjtreeke! Uiteraard zeen alle anger luuj auch van herte welkom om dees heppening mit te maake. Vasteloaves- en angere meziek, Caroline de Bie, eine "verrassingsarties",'t lekkerste glaeske beer en prachtige luuj, det wilse toch neet misse? Sjrief 't inne agenda of mik 't in diene Blackberry, I-phone of waat dan auch en haaj deeze oavend vriej! En witse waat ut sjoonste is? De entree is nieks, nada, noppes, um sonst!
Babsi is op zondaag 22 jannewarie op toernooi gewaes in Luyksgestel. Ut haet de 2e Pries
gehoald. Names alle Meule Wieke gefelisiteerd!!
Ut is al ein tiedje geleeje mer hiej onger alvas get fotoos van ut oetroope
van Prins Ger I. Meer fotoos volge sjnel oppe fotoopagina!
Krrrrrrdjuu! Doa had Prins Ger I eine sjoone Lancia wo d'r mit ging wirke, winkele, vasteloavend viere en weit ich vöal waat allemoal. Totdet eine onverloat bie 'm door de sjtroat sjeurde en de prinselijke sjlee ein bietje inein reej.
Hiej zeet geer ut resultaat.
Waat waas ut eine sjoone oavend! Eers waerde Prins Patrick I van zien waardighede ontdoan en "opgenomme" in de klup van Aad Prinse wodet hae noe nog gans allein in zit.
Doanoa waerde vol sjpanning ut oetroope van de nuuje prins aafgewach onger ut genot van eine lekker glaeske beer of get angers en sjoone meziek van unne heel bekinde deejay en zanger Maurice.
Door middel van ein aafvalrace waerde die miense oet de road ein veur ein weggesjtuurd. Op ut lets waare d'r gein miense meer euver en dan dinkse, loat det gerdien mer oape goan en dan zeen veer ozze nuuje. Mer det woor ut auch neet, ut woor toch eine oet de road: Ger Meuter.
Noa ut aankleije en het installeere is hae de Meule Wieke en alle angere aanwezige veurgegoan es Prins Ger I mit aan zien ziej zien dochters Ashley en Etienne es secondanten.
Saame mit hoar goan veer d'r weer ein supersjoon vasteloavessezoen van maake. Zeeker weite!
Bron:
De Trompetter
Op zondaag 8 jannewarie zeen os dansende maedjes Babsi en Deveny op toernooi gewaes in Hapert. Bie de showdans höbbe ze es team de eerste plaats gehoald. Babsi individueel haet besjlaag weite te ligge op de 2e plaats. Ein héél sjoon resultaat. Dames perfisiat!